للي مهتم ايه نسخة الشرق الأوسط تدعم شريحتين عادية و كذلك تدعم eSIM (الشريحة المدمجة)
تقدر تحفظ فيه اكثر من شريحة مدمجة لكن تختار وحدة تشتغل باستقبال الرسايل المكالمات او استخدام النت و غيره و يمديك تبدل بين الشرايح عن طريق الاعدادات
لو فعلت الشريحة المدمجة لازم تطفي الشريحة العادية الثانوية (الي يجي رقمها 2) ما يمديك تطفي بدالها الشريحة الاولى (الي يجي رقمها 1) لا لازم الشريحة رقم ب2

نسخة الشرق الأوسط فيها معالج سامسونق (ما لقيت فيه أي مشاكل خلال تجربتي، استخدامي ثقيل و نعم يسخن لكن مو ذيك السخونة العالية)
استخدام البطارية جدا معقول خصوصا لو تقفل خيارات كثير تستنزف من البطارية مفعلة من المصنع ( حتى مع الاعدادات هذي الجهاز يصمد اكثر من الايفون و لوقت اطول)

يدعم سامسونق دكس DeX
تقدر تشغل الدكس بشاشة خارجية بسلك او عن طريق الواي فاي المحلي بدون سلك

كاميراته مدعومة من تطبيقات التواصل الاجتماعي (تصويرها جدا حلو تقدر تقول انه تصوير من تطبيق الكاميرا) و يمديك تقلب بين الكاميرات داخل التطبيقات (التطبيقات الي استخدمتها الواتس و السناب و الانستا و كلهم يعطون اداء مشابه لتطبيق الكاميرا)

الجهاز له معي اسبوع و ممتاز وبتغليف ممتاز وأصلي
طبعا يجمع في الهند بإشراف سامسونج
الجهاز الحمد لله لم اواجه تسخين فيه الا في بداية اعداد الجهاز وبعدها الوضع مستقر ومقبول على اكمل وجه اللون ماشاء الله تحفه لكن او ما تستلمونه على طول سووله استكر للشاشة وخذوله كفر
ملاحظ ان استقباله لشبكة الجوال نوعا ما ضعيف مقارنه بجهازي السابق كان السابق في البيت وفي نفس المكان 4 شرطات في جهازي هذا يكون شرطتين هذا فقط الي لاحظته
شكرا نون على السعر وسرعة التوصيل خلال يومين وهو عندي 👏🏼

نعم اشتري وبقوة. الهاتف هذا من أفضل الهواتف في السوق الان. سوف يعطيك افضل الأداء، في حجم صغير لكن لا يستهان به.
لكن تذكر أن على حساب الحجم الصغير والمتماسك في اليد يوجد بطارية اصغر، لكن هذا على حسب استخدامك، فعمر البطارية لدي قد يصل إلى ٦ ونصف ساعات استخدام طبيعي.

الميزات:
١- يعتبر من ارخص الفلاجشيب في الأسواق.
٢- كامرات فوق الممتازة في التصوير الليلي والطبيعي.
٣- سلاسة ومميزات النظام مثل تطبيق ال Good lock أو تطبيق Bixby Routines.
٤- من أفضل واجمل الشاشات للمشاهدة والاستخدام.

السلبيات:
١- يوجد حرارة في الجهاز أثناء اللعب أو التصوير لمدة طويلة، لكن يوجب التنويه انني استخدم الهاتف بدوت كفر وان الحرارة تعتبر طبيعية جداً ولن تشعر بها أذا استخدمت كفر للهاتف.
٢- صراحتاً لم أجد أي عيب أو سلبية اخرا للجهاز.

اذا كان استخدامك شديد على الجهاز فانصحك بشراء النسخة الأكبر S22+ لوجود حجم بطارية أكبر.

اشتريته منذ اسبوع و الجهاز يسخن بطريقه شديده جدا تصل من الخارج الى ٥٠ درجه و من الداخل الى ٨٠ درجه
وافكر فى بيعه بسبب هذا الوضع الصعب
هل من حل لهذه المشكله عن طريق تحديث؟
بالنسبه للشاشه تفقد الالوان الزاهيه مثل s23 ultra