بارت الاول

                                    

                                              
من جنت صغيرة اتمنى من أكبر اكون حياة اليه وحلوة ومابيها بس السعادة والنجاح والالوان الي أعيشها بحياتي وجنت حلمي اكون محققه لان اني اعرف شلون اسحب الكلام من الشخص واعيش حياتي محد إله دخل بيه لان ممسويه شي غلط حتى يتحكمون كبرت بس للآسف كل شي تغير  ولا واحد من الاحلام تحققت بس الحزن والصدمات بحياتي تكفي راح احجيلكم عني اني شكلي حلو وزني ٧٥ طولي ١٥٩ شكلي يجذب النظر كل الي يشوفني يكلي شكلج حلو ويجذب كملت الثالث متوسط وبس امي عمرها حاليا ٤٠ سنه ابويه عمره ٤٧ سنة حاليا بابا يشتغل مدير بمطعم صاله ٢٥ سنة قبل لا يزوج ماما ينطي مصرف كل يوم لامي بس ميعرف أي مسؤولية عن الحياة الزوجية بس ينطي مصرف ما عنده حنيه عليه من اول ماكبرت وعيت عن حياتي وأني اشوف ابويه بس مشاكل هو وماما يدور اكح....... على ماما ويصرف على الكح...... بس امي اضوج حيل ونتقهر وادكول ليش هيج ويشرب يوميه ودائما تكله بطل الشرب عندك بنيه دتكبر بس هو ابد ميهتم الهذا الشي وكل فترة تكتشف خيانه من عنده ويحلف يكللها ماعندي شي وهو عنده شي من كبرت حسيت امي اهواي تعبانه بحياتها وخاصه ويا ابويه ومن اهله هم جانت تعاني منهم بس من عزلت بدت تعاني من ابويه احنه كاعدين بغداد الجديدة بعمارة هاي العمارة بيها عائله امي اختلطت بيهم وصارت عشرة وياهم وامي تحب العشرة ويا الجيران هذولي جيرانه جانت مرأه عمرها آخر الاربعينات مزوجه ابنها الوحده مسيحيه بس كولش حلوة اسمها ليليان وابنها علي اسمه وعنده بنيه من ليليان اسمها نور وبتها اسمها سلوى هم كاعده ويا امها بشقه بغرفه هي وزوجها وعدها ولد اسمه امير زوجها كوردي من خانقين جان متعبها هم بسوالفه ومينطيها مصرف وجان هم يخونها اهواي وهي تروح اشوف خيانته بعينها وتجي تبجي جانت اشوف كل مرأه ورجال مرتاحين اضوج وتحسدهم وادكول ليش حظ ماعندي وامي جانت هم مشلوع كلبها من ابويه بس امي جانت متبين مشاكل عائلتنه ابد شقتنه حلو اثاثها وامي مرتبه كولش ودائما ادكول ابو ايلان زين الحمدلله ماعنده هاي شغلات وسلوى تغار من امي لان امي تلبس ملابس حلوة واشوف امي تفتح جوزدانها كله فلوس جانت اتغار حتى مني لان امي مربيتنه تربيه حلوة اني اخويه عمر وهي جانت تحجي على امي بداخل بيتهم بس مرت علي اخوها ليليان جانت دكللها دير بالج من سلوى تغار منج وتحجي عليج ادكول لا الله مطيني هيج بيت ورجال وجهال وهي لان بعمرج ازوجت بعمر الجبير مشوفين عدها بس ولد واحد ومخبل ماما على نياتها كالت خطيه وسكتتت محجيت بعد امي صارت صداقتها كلش ويا ليليان واسرارهم سوى ومن يطلعون لسوك يختارون نفس الشي سلوى جانت بس تباوع بس تغار من مرت اخوها ومن امي طبعا اني داحجيلكم مال قبل ١٥ سنه ب٢٠٠٦ اخويه عمر جان عمرة سنتين  صغير ياهو الي يشوفه يكول عليه حلو بس اني جنت محلوة وسمرة وضعيفه كلش  بس  من سويت عمليه مصران اعور سمنت اشويه شكلي تغير وصار كل ماكبر شكلي يتغير ويصير احلى واحلى وامي جانت تخاف علينه اني واخويه عمر كلش بحيث متحب تطلع اهواي تحب العائله والأطفال والبيت